【飲食情報】自助餐加碼重開！
#朋友係要見嘅 #終於見到你地喇😭
#5歲以下免費‼️
疫情慢慢退卻，原先諗住book自助餐慶祝母親節都作罷，但反而造就左今次同一班 #全職bb聯盟 嘅🍴瀛「脆」樂滿Fun自助晚餐
雖然咁講但安全最重要，餐廳有幾點令到我好放心🥰
1⃣每位顧客入座前都需要量度體溫及清潔雙手
2⃣枱面嘅餐具用保鮮紙封好
3⃣出buffet line拎食物時需要戴上口罩
4⃣根據目前條例，每枱最多8人及餐桌間保持1.5米距離
5⃣除左一般熱食有蓋外，無論係甜品定壽司都加設透明蓋，食物亦有嚴格控制存放時間
講完安全就緊係講食物😋今次特別同雀巢® KIT KAT®合作，更加有一系列嘅期間限定主題甜品🍫仲有港人最愛嘅海鮮、刺身、爐端燒、烤肉😍即刻同大家介紹下幾樣特別食物！
#明太子帆立貝北海燒🐚
選用北海道噴火灣特產帆立貝，配博多明太子製成嘅醬汁焗製，鮮甜又惹味
#板燒澳洲M5和牛D-Rump🐮
即係牛後腰脊，脂肪含量極低，大廚以高溫鐵板先煎封表面，鎖緊肉汁，最後淋上秘製日式醬汁，絕對絕對入口即溶🤤
#牛油芝士火炙龍蝦🦞
選用加拿大龍蝦，再鋪滿以香濃牛油與芝士調製嘅醬汁，火炙之後香氣四溢！
#谷咕牛肋條🍫
牛肋條加入雜菜同秘製醬汁燴至軟腍，最後加入谷咕粉（朱古力），本來以為好甜好怪，但朱古力味只係最後先滲出嚟，超得意😂大廚仲貼心準備左蒜蓉包俾大家沾醬食，真心要一試！
最後不得不介紹 KIT KAT®甜品區喇🍰
最吸睛當然係 66% #Alpaco朱古力松露蛋糕，即係17吋長嘅巨型雀巢® KIT KAT®朱古力條
嚴選法國著名朱古力品牌法芙娜(Valrhona)嘅66% Alpaco朱古力造成，入面係朱古力松露軟心、朱古力榛子曲奇脆夾心同朱古力海綿蛋糕
#朱古力草莓忌廉蛋糕 草莓忌廉蛋糕裝飾成紅色鋼琴，黑白鍵以曲奇忌廉及黑朱古力味雀巢® KIT KAT®朱古力疊砌成，又真係幾似喎🎹
#紅桑子朱古力蛋糕 以曲奇忌廉同黑朱古力味 KIT KAT®圍邊，紅桑子慕絲包住海綿蛋糕，中層加入紅桑子啫喱，層次出眾
另外仲有 #抹茶柚子白朱古力撻、 #芒果朱古力千層酥、 #香橙紙杯蛋糕、 #紅寶石草莓慕絲蛋糕，鍾意食 KIT KAT®嘅你一定要留肚食呀‼️
花月庭
瀛「脆」樂滿FUN 自助晚餐
供應日期：即日至7月31日
訂座電話：(852) 2622 6154
地址：九龍太子道西一九三號帝京酒店二樓
香橙紙杯蛋糕 在 香橙紙杯蛋糕的詳細做法- 大廚網簡易食譜 - Pinterest 的推薦與評價
Mar 27, 2016 - 香橙纸杯蛋糕的详细做法，步骤，配料，图片和视频。本菜谱通过图文并茂的方式教您怎么做好吃的香橙纸杯蛋糕。橙子的季节到了， 将橙子的皮用作烘焙的 ... ... <看更多>