《街坊財爺》第一周，肥貓表現最好！
對於這劇的演員陣容，個人本身充滿期待，尤其有黃智雯，頭兩集在人物及劇情交代方面，節奏算快，清清楚楚，一貫大台作風，唔算突出，但亦唔見有大問題，鄭則士的「吸血貴利王」為錢壞事做盡，性格鮮明，話佢好打得同飛車高手，礙於年齡，身手唔夠靈活，有點夾硬但仍可接受，古明華的扯蝦華在搞笑方面算係最交到戲，尤其醫院被雷劈後講野亂籠那幕，還可一笑，整個星期以演員來說最好這兩位。
其他演員不好嗎？非也，只是劇本問題令他們不能發揮，黃智雯演的Mary基本上無發揮空間，靚女加無知和發展感情線是這角色最大作用，而最慘是寫到這角色無知，負責債務危機處理的社工組織，點可能無戴金仔的資料，再加上同一屋簷下，又有金牙嬌出現，好難隱暪吸血貴利王這事實，為了遷就劇情要Mary在將來發現，製造矛盾，現在將她搞到低能一樣，真是浪費了好演員。邵美琪的戲完全無問題，問題是角色描寫，表面係個大家姐，好有權威，實際上似個左右做人難的家嫂，面對戴金仔同金牙嬌時，根本無乜牙力，無乜作為，最大快人心只有她嚇到扯蝦華「扯蝦」一幕，而她加上近身助理樊亦敏，本來可以很多戲發揮，但第一周的樊真係行行企企，似個司機，無乜作用。黎諾懿的角色設計亦相當典型無新意，佢算交到貨但無驚喜。第三、四集大家期待朱咪咪同苑瓊丹出場搞笑，效果其實不好，朱咪咪搞到黎諾懿無得瞓一幕，個人感覺又長又悶。而金牙嬌這種浮誇演出，一方面需要有同級對手，另一面劇種要係瘋狂喜劇，但兩樣都缺乏，再加上那些想當年橋段其實頗老土，所以效果也是不佳。
不過，第四、五集，戴金仔的夢中化身，那隻肥貓反而有驚喜，様子充滿貪婪嚵咀，很配合戴金仔個性，也很可愛，雖然牠走動的CG做得唔好，不過，當我搞笑啦，上星期我最喜愛的角色，肯定係佢咯！
#街坊財爺 #鄭則士 #邵美琪 #苑瓊丹 #黃智雯 #黎諾㦤 #吳業坤 #許家傑 #馬海倫 #梁材遠
樊亦敏年齡 在 【今日睇咗未？】孖伊健合照勾檸檬茶廣告回憶樊亦敏獲讚超越 ... 的推薦與評價
樊亦敏 今日凌晨在社交網，貼上與鄭伊健在紅館後台的合照。盧宛茵除了扮嘢了得，演出棟篤笑，唱日文歌也難不到她。 ... <看更多>